Aqtóbelik 47 jyl ótkennen keıin qujatyn aýystyrdy
AQTÓBE. QazAqparat – Aqtóbe oblysy Muǵaljar aýdanynyń turǵyny arada 47 jyl ótkende qujatyn ózgertti, dep habarlaıdy QazAqparat tilshisi.
Aqtóbe oblysy Muǵaljar aýdanynyń 69 jastaǵy turǵyny Larısa Chernysheva jeke basyn kýálandyratyn, ıaǵnı, pasportty sońǵy ret 1952 jyly alǵan. Sodan beri jarty ǵasyrǵa jýyq ýaqyt ótse de tólqujatyn ózgertpegen. Halyqqa qyzmet kórsetý ortalyǵyna baryp, mán-jaıdy suraǵanymen, mamandar jumysty kóshi-qon qyzmetinen bastaý kerek ekenin aıtpaǵan. Ári týý týraly kýáligi, Qazaqstan aýmaǵynda turǵanyn rastaıtyn qujaty, tipti neke týraly kýáligi de bolmaǵan.
«Azamatsha Larısa Chernysheva buǵan deıin kóshi-qon qyzmetinen kómek suramaǵan. Ókinishke qaraı KSRO pasportymen júrgen, azamattyǵy joq adamdar áli de bar. Olar jeke basyn kýálandyratyn qujattaryn almaǵan. Mundaı adamdardyń oqıǵalary bir-birine uqsas. Jas kezinde esh jerde resmı túrde jumys istemeıdi, qajetti qujat alýǵa asyqpaıdy. Zeınetkerlik jasqa jetken ýaqytta ǵana qınalady», - dedi Aqtóbe oblysy PD Kóshi-qon qyzmeti basqarmasy bastyǵynyń mindetin atqarýshy Elmıra Boltaeva.
Larısa ChernyshevaAqtóbe oblystyq polıtsııa departamentiniń basshylyǵyna jáne ІІM mınıstrine alǵysyn bildirdi.
