Aqtóbelik 35 jyldan beri Aıaz ata bolyp keledi
AQTÓBE. QazAqparat - Aqtóbelik turǵyn 35 jyldan beri Aıaz ata bolyp, jańa jyldy ártúrli jerde qarsy alyp júr. Ol Jańa jyl merekesinde mamandyǵyn ózgertip, balalarǵa qýanysh syılaıdy, dep habarlaıdy QazAqparat tilshisi.
Aqtóbe qalasynyń 52 jastaǵy turǵyny Marat Hamıdov búgin Aıaz ata kıimin kıip, ortalyq saıabaqta adamdarǵa qýanysh syılap júr. Jyl saıyn jeltoqsanda Aıaz ata kıimin kıip, aq saqaldy, qyzyl shapandy qarııaǵa aınalady.
«Aıaz ata bolyp kıiný men úshin hobbı, qyzyqty kásibim. Adamdarǵa qýanysh syılaý maǵan unaıdy. Mamandyǵym temirjolshy, qazir kedendik kompanııada sarapshy bolyp jumys isteımin», - deıdi Marat Hamıdov.
Ol 1982 jyldan bastan Jańa jyl merekesinde Aıaz ata bolady. Mektep jasynan bastap ala taıaǵyn ustap, alystan kelip, balalardy qýantady. Túrli ujymdyq keshterge qatysyp, eresekterdiń de tilegin tyńdaıdy. Bıyl ol 9 jeltoqsannan bastap Aıaz ata kıimin kıdi. Al 26 jeltoqsannan bastap ujymdyq keshterge baryp, túngi jumysqa shyqty. Marat Hamıdovtyń jubaıy Almıra bul jumysty qoldaıdy, janynda Aqshaqar bolyp, eńbek etti. Sońǵy jyldary eki adamnyń ortaq sheshimimen Aqshaqardyń qyzmetine radıo júrgizýshisi alyndy.
«Jańa jyl túni men halyqqa qýanysh syılaımyn, al áıelim Almıra janymda júredi»,- dedi ol.
