Aqtóbege «Spýtnık-V» vaktsınasynyń ekinshi komponenti jetkizildi
AQTÓBE. QazAqparat – Aqtóbege «Spýtnık-V» vaktsınasynyń ekinshi komponenti jetkizildi. Qazir karantın aımaǵynda tur, dep habarlaıdy QazAqparat tilshisi.
Aqtóbe oblystyq densaýlyq saqtaý basqarmasy basshysynyń orynbasary Bekbolat Іzbasarovtyń aıtýynsha, vaktsınanyń ekinshi komponentin 45 kúnde alýǵa bolady.
«Aqtóbe oblysyna barlyǵy 191 950 vaktsına ákelindi. Onyń 131 950-i Spýtnık-V, 4 myńy QazVak jáne 56 myńy Hayat-Vax. Búgingi kúni 83 983 adam birinshi, al 40 592 adam eki komponentin de saldyrdy. Spýtnık-V vaktsınasynyń ekinshi komponenti qosymsha jetkizildi. Qazir karantındik aımaqqa qoıyldy. Biz arnaıy taýar sertıfıkatyn kútip otyrmyz. Daıyn bolǵan kezde birden vaktsına pýnktterine taratamyz. Búginde Qalǵaly qalalyq aýrýhanasy, «Evrazııa», №5 emhana men Otbasy medıtsınasy emhanalarynda vaktsınanyń ekinshi komponenti bar. Eger óz emhanasynda taýsylsa, sonda barsa bolady. Bas sanıtar dárigerdiń qaýlysyna sáıkes ekinshi komponentti 45 nemese 90 kún aralyǵynda alýǵa bolady»,- dedi oblystyq densaýlyq saqtaý basqarmasy basshysynyń orynbasary Bekbolat Іzbasarov.
Aqtóbelik turǵyndar, sonyń ishinde vahtalyq ádispen jumys isteıtin adamdar jumys berýshiniń talabyn túsindirdi. ıAǵnı, olar endi óz qanjysyna PTR test tapsyrýy tıis.
«Óndiristik kásiporyn jumysshylary jumysqa kirisken jáne jumys aýysymyn aıaqtaǵan kezde PTR test tapsyrýy tıis. Nemese olarda koronavırýs ınfektsııasyna qarsy vaktsına saldyrǵany jóninde pasport bolýy tıis», - dedi oblystyq sanıtarııalyq-epıdemıologııalyq baqylaý departamentiniń basshysy Nursulý Berkimbaeva.
