Aqtóbege shuǵyl qonǵan Boeing-777 ushaǵynyń jolaýshysy kóz jumdy

AQTÓBE. KAZINFORM — Nordwind Airlines áýekompanııasynyń Boeing-777 ushaǵy shuǵyl qondy. Jolaýshynyń biri ózin jaısyz sezinip, keıin onyń kóz jumǵany belgili boldy. 

«Álııa Moldaǵulova Aqtóbe halyqaralyq áýejaıy» AQ basqarma tóraǵasy Dastan Malıevtiń aıtýynsha, jolaýshylar borttan shyǵarylǵan joq. 

— Búgin shamamen saǵat 12:35–te Ekaterınbýrg — Sochı baǵytyndaǵy ushaq Aqtóbe áýejaıyna qondy. Sebebi áýe kemesindegi jolaýshylardyń biriniń densaýlyǵy nasharlaǵan. Jolaýshy kóz jumdy. Onyń sebebin dárigerler aıta jatar. Nordwind Airlines áýe kompanııasynyń Boeing-777 ushaǵy áli de Aqtóbe áýejaıynda tur. «Jolaýshynyń denesiniń alyp kete me, qaldyra ma» degen suraqty sheship, keıin ushady. Qazir naqty qaı ýaqytta sapardy jalǵastyratyny belgisiz. Ony ekıpaj músheleri sheshedi. Ushaqtan jolaýshylar shyǵarylǵan joq, bári ishinde otyr, — dedi Dastan Malıev.

Aıta keteıik, mamyr aıynyń basynda Shymkentten Astanaǵa ushyp kelgen ushaqqa qustar soqtyǵysyp qaldy. Saldarynan ushaqtyń bólshegi zaqymdaldy.