Aqtóbege kóship kelgen qandastardyń kóbi qalaǵa qonystandy
AQTÓBE. KAZINFORM — Sońǵy bes jylda Aqtóbede myńnan astam etnıkalyq qazaq kóship keldi. Byltyr 78 otbasy qonystandy.

Byltyr óńirge 78 etnıkalyq qazaq otbasy kóship keldi. Barlyǵy 106 adam qonystandy. Olar Ózbekstan, Reseı, Túrikmenstan, Qyrǵyzstan, Tájikstan men Qytaıdan keldi.
— Qandastarymyzdyń 55-i Aqtóbe qalasyna ornalasty. Al ózgesi Alǵa, Muǵaljar, Mártók, Qarǵaly aýdandaryna qonystandy. Etnıkalyq qazaqtardyń 71-i eńbekke qabiletti bolsa, 18-i bala, ózgesi zeınetker. Byltyr 19 adam jumysmen qamtý bólimderine jolyǵyp, tórteýi turaqty eńbekke aralasty. Kásipkerlik negizderin meńgerip, jastar tájirıbesine de aralasyp jatyr, — dedi Aqtóbe oblystyq jumyspen qamtý jáne áleýmettik baǵdarlamalar basqarmasy bóliminiń basshysy Aqsulý Jubanazarova.
Aqtóbe oblysynda sońǵy bes jylda 840 etnıkalyq qazaq otbasynyń 1223 adamy kóship keldi.
Eske salsaq, bıyl 1 070 etnıkalyq qazaq tarıhı Otanymen tabysyp, qandas mártebesin aldy.
Jalpy 1991 jyldan beri respýblıkaǵa 1 mln 149 myńnan astam etnıkalyq qazaq oraldy.