Aqtóbege kelgen Ózbekstan elshisi polıtsııa qyzmetkerlerine alǵys aıtty

AQTÓBE. QazAqparat - Aqtóbege Ózbekstan respýblıka­synyń Qazaqstan respýblıkasyndaǵy tótenshe jáne ókiletti elshi­si Saıdıkram Nııazhodjaev keldi. Ol oblys ákimimen jáne oblystyq polıtsııa departamenti bastyǵymen kezdesti, dep habarlaıdy QazAqparat tilshisi.

Aqtóbe oblysynyń áki­mi Ońdasyn Orazalın Ózbekstan respýblıka­synyń Qazaqstan resp­ýblıkasyndaǵy tótenshe jáne ókiletti elshi­si Saıdıkram Nııazhodjaevpen kezdesti. Áńgime­lesý kezinde Aqtóbe oblysy men Ózbekstan arasyndaǵy saýda-ek­onomıkalyq, mádenı-g­ýmanıtarlyq yntymaqt­astyqty damytý jaıy talqylandy. «Bizdiń kóshbasshylarym­yzdyń arqasynda meml­eketimiz arasynda­ǵy saıası baılanystar jańa sapaly deńgeıge shyqty. Bul óz keze­ginde iskerlik baılanystyń damý­yna jáne Qazaqstan men Ózbekstan óńirleri arasyndaǵy ózara is-qımyldyń keńeıýine jańa serpin berdi»,- dep atap ótti oblys ákimi Ońdasyn Orazalın.

Osy jyldyń birinshi toqsanynyń qorytyndysy boıynsha Aqtóbe oblysy men Óz­bekstan arasyndaǵy taýar aınalymy 29,3 mln dollardy qurady. Sonymen qatar, aýyl sharýashylyǵ­yna qajetti mashına qurastyrý, ​ tigin jáne toqyma buıymdaryn shyǵar­ý, farmatsevtıka sala­larynda ekijaqty qar­ym-qatynasty damytý jaıy qozǵaldy. Osy maqsatqa qol jetkizý úshin qo­symsha tasjol men temirjoldyń ótkizý beketterin, jańa áýe reısterin ashý jáne ózge de óńirar­alyq yntymaqtastyqty ári qaraı damytýǵa septigin tıg­izetin suraqtar qara­ldy.
«Qazaqstan eki jaqty qarym-qatynasta bizd­iń strategııalyq árip­tes bolyp tabylady. Óńi­rler arasyndaǵy eki­ jaqty baılanysty qal­yptastyrý, damytý ju­mystary júrgizilip jatyr. Qazir Aqtóbe oblysy zerttelip jatyr. Indýstrııanyń da, agro­ónerkásiptiń de ekon­omıkalyq áleýeti joǵ­ary. Bizge osy tusy qy­zyq. Kásipkerler qazaqstandyq se­riktestermen yntymaq­tas bolýǵa múddeli»,- dep atap ótti Ózbekstannyń Qazaqst­andaǵy tótenshe jáne ókiletti elshisi Saıdıkram Nııazhodjaev.
Elshi Aqtóbe oblystyq rolıtsııa departamentiniń bastyǵy Atyǵaı Arystanovpen de kezdesti. Kezdesý barysynda bıyl qazan aıynda ótetin Ózbekstandaǵy saılaý, sondaı-aq kóshi-qon protsesi týraly talqylandy.
«Atyǵaı Arystanov polıtsııanyń saılaý kezinde tártipti qamtamasyz etip, jan-jaqty qoldaý kórsetetinine sendirdi. Sondaı-aq, qonaqtar Aqtóbe oblystyq polıtsııa departamenti basshylyǵyna 2020 jylǵy pandemııa kezinde Ózbekstan azamattaryn Reseı Federatsııasynan shyǵarýdy uıymdastyrýǵa kórsetkeni úshin alǵysyn bildirdi»,- dep habarlady oblystyq PD baspasóz qyzmeti.