Aqtóbege ıtelgi aýlaýǵa kelgen Sırııa azamattary ustaldy
AQTÓBE. QazAqparat - Sırııa azamattary Aqtóbeniń Baıǵanın aýdanynan ustaldy. Olar Qazaqstanǵa ıtelgi aýlaýǵa kelgen, dep habarlaıdy QazAqparat tilshisi.
Aqtóbe oblysynda úsh avtokólik ishinen elý dana kógershin tabyldy. Oqıǵa 30 tamyz kúni saǵat 23:00-de tirkeldi. Baıǵanın aýdanynyń Jańajol aýyldyq okrýgi, Dońyztaý mańynda «Ohotzooprom» RMKK ınspektorlary «Montera sport», «Mıtsýbısı Podjera» jáne «Taıota Land Krýzer» kóliginiń jolaýshylary men júrgizýshisin aýdandyq ishki ister bólimine jetkizdi.
«Tekserý jumystary kezinde bireýi qazaqstandyq ekeni anyqtaldy. Al ózge beseýi - Sırııa azamattary. Ustalǵandardyń aıtýynsha, olar birneshe kún buryn Almaty qalasyna kelip, Aqtóbege baǵyt alǵan. Kógershinderdi Aral mańyndaǵy aýyl turǵyndarynan alǵan, ony azyq úshin paıdalanǵan. Qazaqstanǵa ıtelgi mekendeıtin jerdi izdeýge kelgen», - dep habarlady oblystyq polıtsııa departamenti baspasóz qyzmetiniń jetekshisi Erbolat Sarqulov.Osy is boıynsha Ákimshilik quqyq buzý kodeksi boıynsha shara qoldanyldy. Qazaqstan jáne Sırııa azamatynyń árqaısysyna 25 myń teńge aıyppul salyndy. Eki Sırııa azamaty Kóshi-qon zańnamasyn buzǵany úshin jazalandy. Bireýi eskertý alsa, ekinshisi 15 táýlikke qamaldy. Al kógershinder bostandyqqa jiberildi.
Aıta keteıik, ıtelgi Qyzyl kitapqa engen. Ony aýlaýǵa bolmaıdy.
