Aqtóbege elimizdiń úzdik polıtseıleri jınaldy
AQTÓBE. QazAqparat - Aqtóbede «Erlik-elge mura, urpaqqa – úlgi» atty jıyn ótti, dep habarlaıdy QazAqparat tilshisi oblystyq PD baspasóz qyzmetine silteme jasap.
Sharaǵa ІІM KJD, Aqtóbe oblysynyń PD basshylyǵy, oblys ákimdigi men «Nur Otan» partııasynyń ókilderi jáne batyr polıtseıler qatysty. Dóńgelek ústel aıasynda jergilikti atqarýshy organdardyń, kúsh qurylymdarynyń jáne buqaralyq aqparat quraldarynyń ókilderi QR Іshki ister mınıstri polıtsııa general-leıtenanty E.Z. Turǵymbaevtyń alǵys hatymen marapattaldy.
«Memleket pen qoǵam ishki ister organdary ókilderiniń qaısarlyǵyn joǵary baǵalaıdy. Úzdikterdiń ishinde de úzdikter bar, QR Іshki ister mınıstrligi ótkizgen »Qazirgi zaman qaharmany« (»Geroı nashego vremenı«) respýblıkalyq aktsııasyna Aqtóbege eń úzdikteri shaqyrylǵan» - dep atap ótti óz sózinde Qazaqstan Respýblıkasy ІІM Kadr saıasaty basqarmasy bastyǵynyń orynbasary Baqytjan Beıseev.
Sonymen qatar batyr–polıtseıler Aqtóbe qalasynyń Nazarbaev zııatkerlik mektebiniń jáne №21, 60, 10, 40 mektepteriniń oqýshylarymen kezdesip, olar onda ózderiniń kúndelikti jumysy jáne qyzmet atqarý kezinde qandaı qıyndyqtarǵa tap bolatyny týraly áńgimeledi. Oqýshylarǵa polıtsııa qyzmetkerleri men adamdardy qutqarý sátteriniń beıne rolıkteri kórsetildi.
«Polıtsııa qyzmetkerleriniń erligin kórip, oqýshylardyń boıynda joǵary patrıottyq tárbıe qalyptasyp, óz Otanyna adaldyq, jaqyndaryna kómek kórsetý jáne bolashaqta mamandyq tańdaýyna yqpal etedi», - dep atap ótti Aqtóbe oblysy PD-niń kadr jumysy basqarmasynyń bastyǵy Jaqsylyq Nysanalın.
Aktsııa 15 qarashaǵa deıin Aqtóbe oblysynda jalǵasady. Polıtseıler aımaqtyń birqatar aýdan ortalyqtaryna baryp, oqýshylarmen, oqý oryndarynyń stýdentterimen, ardagerlermen jáne halyqpen kezdesedi.
