Aqtóbege ákelingen ponton kópir keri qaıtaryldy
AQTÓBE. KAZINFORM – Sý tasqyny kezeńinde Almatydan Aqtóbege jetkizilgen ponton kópirdiń qajeti bolmady. Qarýly kúshterdiń ınjenerlik-saperlik brıgadasy keshe keri qaıtty.
Almatydan Aqtóbe oblysy Oıyl aýdanyna kelgen Qarýly kúshterdiń ınjenerlik-saperlik brıgadasy eki apta óńirde boldy. Alaıda tehnıka bul joly asa qajet bolmady.
— Oıyl aýylyna ponton kópir rezerv retinde ákelindi. Kúni keshe qaıtaryldy. Tehnıkalyq kópir iske qosylǵandyqtan ponton kópirin qaıtarý týraly sheshim shyǵaryldy, - dep habarlady Aqtóbe oblysy ákiminiń baspasóz qyzmeti.
Eske salsaq, 18 naýryz kúni Qonaev garnızonyndaǵy Qarýly kúshterdiń ınjenerlik-saperlik brıgadasy Oıyl aýdanyna jiberiledi. Munda áskerıler qaýipsiz tasymaldaý qyzmetin atqarady dep josparlandy.
Sebebi aýdanǵa kireberiste ornalasqan negizgi kópir byltyr tasqyn kezinde jaramsyz bolyp qaldy. Al jer ótkeldi taıaýda sý shaıdy.
Keıin úsh kúnde munda tehnıkalyq kópir salynyp, qoldanysqa berildi.