Aqtóbege 103,6 mlrd teńge ınvestıtsııa tartyldy
AQTÓBE. QazAqparat - Bıyl Aqtóbe qalasyna 103 mıllıard teńge ınvestıtsııa tartyldy. Bul týraly Aqtóbe qalasynyń ákimi Іlııas Ispanov baspasóz máslıhatynda aıtty, dep habarlaıdy QazAqparat tilshisi.
Aqtóbe ınvestorlar úshin óte yńǵaıly qalaǵa aınaldy. Munda gaz, elektr qýaty arzan. «Batys Qytaı-Batys Eýropa» joly bar, Aqtóbe-Atyraý tasjolynyń qurylysy bastaldy. Reseımen shekaralas oblys ınvestorlardy shaqyrǵan kezde osy basymdyqtardy alǵa tartady.
«Bıyl Aqtóbege 103,6 mıllıard teńge ınvestıtsııa tartyldy. Kóbi óndiris oryndaryn jańǵyrtý jumystaryn júrgizip, aýyl sharýashylyǵy salasy boıynsha jylyjaı qurylysyn bastady. Máselen, aldaǵy úsh jylda úsh ınvestorǵa 100 gektar jer beriledi. Olar 10 mıllıard teńge ınvestıtsııa salý úshin jumysty bastady. Sonymen qatar, «Aqtóbe» ındýstrııalyq aımaǵynda 8 ınvestor bar. Turmystyq tehnıkanyń bir bóligi jergilikti jerde jınaqtalyp, naryqqa shyǵaryldy. Bul baǵany arzandatýǵa kómektesetin joba. Bul jerde qysh taqtaıshalary, jasandy jabyndy shyǵarylady»,- dedi Aqtóbe qalasynyń ákimi Іlııas Ispanov.
Aıta keteıik, Indýstrııalandyrý kartasynyń ekinshi besjyldyǵynda 13 joba iske asyrylady. Jalpy 10,8 mıllıard teńge ınvestıtsııa tartylady. Sonymen qatar, kartaǵa enbegen 12 ınvestıtsııalyq jobany iske asyrý jospary daıyn. Barlyǵy 500-den astam jumys orny ashylýy tıis.
