Aqtóbege 1,5 mıllıon betperde jetkiziledi
AQTÓBE. QazAqparat – Aqtóbe bıligi betperde tapshylyǵyn joıý maqsatynda 4,5 mıllıon dana medıtsınalyq maskaǵa tapsyrys bergen bolatyn. Osy aptada onyń 1,5 mıllıon danasy jetkiziledi, dep habarlaıdy QazAqparat tilshisi.
Aqtóbe deldaldardan bas tartyp, qytaılyq óndirýshi kompanııaǵa tikeleı tapsyrys berdi. Taıaýda 1,5 mln dana betperde jetkiziledi.
«Búgin shekaradan ótti. Negizi ótken aptada jetkizilýi tıis edi. Tótenshe jaǵdaıǵa baılanysty kesh tasymaldandy. Dárihanalar arqyly satylady. Densaýlyq saqtaý mınıstrligi bekitken baǵaǵa sáıkes bir danasynyń quny 118 teńgeden aspaýy tıis. Monıtorıng júrgiziledi. Qandaı da bir taýar elge kirgizilmes úshin arnaıy standarttar boıynsha tekseriledi. Talapqa saı kelmese shekaradan ótkizilmeıdi. Bul jerde óndirýshi elden qorqýdyń qajeti joq», - dedi oblystyq densaýlyq saqtaý basqarmasynyń Áset Qalıev jergilikti arnada ótken tikeleı efır kezinde.
Aıta keteıik, Aqtóbege Qytaıdan gýmanıtarlyq kómek keldi. Onyń ishinde betperde, qyzmetkerlerge arnalǵan qorǵanysh kıimderi bar. Bári medıtsına jáne quqyq qorǵaý qyzmetkerlerine, áleýmettik osal toptaǵy azamattarǵa taratyldy. Volonterlarǵa da berildi.
