Aqtóbeden Taıland, Dýbaı jáne Phýket araldaryna áýe reısteri ashylady

AQTÓBE. QazAqparat – Aqtóbedegi Álııa Moldaǵulova atyndaǵy halyqaralyq áýejaıy jyl sońyna deıin bes baǵytta jańa áýe reısterin ashady. Bul týraly oblys ákimdiginiń baspasóz qyzmetinen málim etti, dep habarlaıdy QazAqparat tilshisi.

«Ashyq aspan» rejımi aıasynda endi aqtóbelikter 19 qazannan bastap Taıland, Phýket araldaryna, 24 qazannan bastap Dýbaıǵa, qarashadan bastap Tashkentke, sondaı-aq Samaraǵa usha alady. 1 qarashadan bastap Aqtóbeden Oral qalasyna da turaqty reıs ashylady. Al, 2023 jyldan bastap Aqtóbeden Kókshetaý, Óskemen, Shymkent qalalaryna jáne Úrimshi, Chehııa astanasy Pragaǵa jańa reıster ashylady. Búginde halyqaralyq áýejaı 12 baǵyt boıynsha jolaýshylarǵa qyzmet kórsetedi. Bıyl Antalıaǵa qatynaıtyn reıster sany aptasyna 6 ret, Máskeýge 4 retke deıin ulǵaıtyldy. Shilde aıynda Bakýge reıster ashyldy», - delingen ákimdiktiń baspasóz qyzmeti taratqan habarlamada.

Aıta keteıik, byltyrǵy jyldyń qorytyndysy boıynsha, Aqtóbe áýejaıy 750 myńǵa jýyq jolaýshyǵa qyzmet kórsetip, 20 myń tonnadan astam júk qabyldaǵan.