Aqtóbeden sanıtarlyq avıatsııamen jetkizilgen patsıenttiń jaǵdaıy turaqty túrde aýyr dep baǵalanýda

ASTANA. QazAqparat - Ekstremısterdiń shabýyl jasaýyna jáne olardy joıýǵa baılanysty tótenshe oqıǵa saldarynan zardap shekken Syrym Súndetovtyń jaǵdaıy turaqty túrde aýyr dep baǵalanýda. 10 maýsym kúni saǵ. 22.40-ta ol sanıtarlyq avıatsııamen Aqtóbeden Ulttyq neırohırýrgııa ortalyǵyna (Astana q.) jetkizildi. Patsıent esinde, qazirgi kezde ol barlyq qajetti em alýda, dep habarlaıdy QR Densaýlyq saqtaý jáne áleýmettik damý mınıstrliginiń baspasóz qyzmeti.

Aqtóbe oblystyq densaýlyq saqtaý basqarmasy medıtsınalyq uıymdarynyń málimetinshe, 05.06.2016 - 11.06.2016 j. aralyǵynda Aqtóbe qalasy statsıonarlaryna barlyǵy 39 adam jetkizildi, onyń ishinde 4 adam oblystyq aýrýhanaǵa, 33 adam jedel medıtsınalyq kómek aýrýhanasyna, 2 adam temirjol aýrýhanasyna jiberildi.

Atalǵan ýaqyt aralyǵynda statsıonarlardyń aýrýlardy qabyldaý bólmesi deńgeıinde 16 patsıentke ambýlatorlyq emdeý boıynsha  usynymdar berildi.

Barlyǵy zardap shekken 23 patsıent aýrýhanaǵa jatqyzyldy, onyń ishinde 3 adam statsıonarda qaıtys bolyp, 6 patsıent aýrýhanadan shyǵaryldy.

12:00-degi (Astana ýaqyty boıynsha) jaǵdaıǵa sáıkes, Aqtóbe qalasynyń statsıonarlarynda 14 zardap shekken azamat emdelýde, olardyń jaǵdaıy orta deńgeıdegi aýyr dep baǵalanyp otyr.