Aqtóbeden kelgen qaraqshy Oralda qolǵa tústi

Oblystyq ishki ister departamentiniń baspasóz qyzmetinen túsken málimetke qaraǵanda, belgisiz jas jigit ony pyshaqpen qorqytyp, ashyq túrde ishinde qujattary men 17,8 myń  teńge aqshasy bolǵan sómkesin urlap ketken. Áıel dereý túrde polıtsııa qyzmetkerlerine habarlasqan. «KMS» kúzet qyzmetiniń, «Úki-4» túngi izdestirý tobynyń jáne Oral qalalyq ishki ister basqarmasynyń qyzmetkerleri oqıǵa izin sýytpaı, Aqtóbe qalasynyń 22 jasar turǵynyn quryqtady. Qaraqshyny quryqtaý kezinde odan jábirlenýshi áıeldiń sómkesi tárkilendi. Sondaı-aq Oral qalalyq ishki ister basqarmasynyń qyzmetkerleri qaraqshynyń 9 tamyz kúni túnde urlyq jasaǵanyn moıyndatty. Ol Gagarın kóshesindegi úıdiń aýlasynda turǵan «Mazda» avtokóliginiń terezesin syndyryp kirip, 50 myń teńge aqsha urlaǵan. Ustalǵan jigit 5 tamyz kúni №22 mekteptiń janynda qaraqshylyq jasaǵanyn moıyndady, ıaǵnı, ol sol kúni keshte kishkentaı qyzdyń uıaly telefonyn ashyq túrde urlap ketken. Tártip saqshylary urlanǵan qujattar, aqsha men uıaly telefondy tárkiledi.

12 tamyz kúni saǵat 17.00-de Ábilhaıyr han dańǵyly boıyndaǵy úılerdiń birinen «BVM-518» avtokóligin aıdap áketken. Jábirlenýshi avtokóliginiń urlanǵanyn bilgen sátte dereý polıtsııa qyzmetkerlerine qońyraý shalǵan. ІІD jedel basqarý ortalyǵynyń qyzmetkerleri urlanǵan avtokóliktiń qozǵalys ornyn anyqtap, Oral qalalyq ІІB jedel-tergeý tobynyń patrýldik polıtsııa batalonynyń qyzmetkerleri uryny qolǵa túsirdi. Kólik ıesine qaıtaryldy.

Sol kúni saǵat 19.30 shamasynda belgisiz bireýler Chehov kóshesiniń boıyndaǵy úıdiń qasynda kúsh qoldanyp, «Folksvagen-Passat» avtokóligine 28 jasar jigitti otyrǵyzyp, oǵan dene jaraqatyn salǵan. Jábirlenýshi «bas súıeginiń jabyq jaraqaty, mıynan zaqym alý jáne betiniń kóptegen qandy isigi bar» dıagnozymen oblystyq aýrýhananyń neırohırýrgııalyq bólimine jatqyzyldy. Oqıǵa izin sýytpaı, qoldanylǵan sharalar barysynda QR ІІM BQO boıynsha arnaıy kúzet basqarmasynyń jáne Oral qalalyq ishki ister basqarmasy jedel-tergeý tobynyń qyzmetkerleri 37 jasar, 27 jasar jáne 22 jastaǵy er adamdardy jáne 1980 jyly týǵan áıeldi anyqtap, qolǵa túsirdi. Qazirgi ýaqytta atalǵan fakti boıynsha QR Qylmystyq Kodeksiniń 327-babyna sáıkes (ozbyrlyq) qylmystyq is qozǵaý týraly qaýly qabyldanýda.

Polıtsııa qyzmetkerleri mekemelerge, dúkenderge kirip, urlyq jasaǵan 46 jasar er adamdy ustady. ıAǵnı, 1 tamyz kúni belgisiz er adam polıtsııa qyzmetkerlerine «Mýjskıe kostıýmy» dúkeninde qujattary jáne 20 myń teńge somasynda aqshasy bolǵan barsetkasynyń urlanǵany jóninde habarlady. Dál osy kúni «Qazposhtada» 38 jasar áıeldiń tonalǵany, 7 tamyz kúni ekinshi emhanada jábirlenýshiniń sómkesinen eki myń jarym teńge aqshanyń qoldy bolǵany belgili boldy. Ustalǵan azamattyń is júzinde ákimshilik qadaǵalaýda turǵany jáne esirtki zattaryn qoldanýmen aınalysatyny anyqtaldy. Qazirgi ýaqytta kúdikti Oral qalalyq ishki ister basqarmasynyń ýaqytsha ustaý ızolıatoryna qamaýǵa alyndy. Onyń osyǵan deıin basqa da qylmystarǵa qatysynyń bar-joǵy tekserilýde.