Aqtóbeden Atyraý arqyly Reseıge baratyn joldyń eni 9 metrge deıin keńeıtiledi
Aqtóbe oblysynda uzyndyǵy 319 km «Aqtóbe-Atyraý-RF shekarasy (Astrahan)» respýblıkalyq mańyzy bar avtojol ýchaskesin qaıta jańartylyp jatyr. Ol Ortalyq Azııany Eýropamen, sondaı-aq Reseı Federatsııasymen jalǵaıtyn halyqaralyq dáliz bolyp sanalady.
Jańartylǵannan keıin joldyń eni 9 metrge deıin keńeıtilip, qozǵalys jyldamdyǵy saǵatyna 120 km deıin ruqsat etilgen II tehnıkalyq sanattaǵy kúre jol bolady.
«Aqtóbe-Atyraý-RF shekarasy (Astrahan)» avtojolyn jóndeý jumystary 7 ýchaskege bólingen. Qazir onyń 1 ýchaskesinde jumys aıaqtaldy, qalǵan uzyndyǵy 230 shaqyrymdy quraıtyn 4 ýchaskede qurylys-montaj jumystary jasalýda.
160-220 km, 236-275 km, 275-330 km ýchaskelerin qaıta jańartýǵa halyqaralyq qarjy ınstıtýttarynan, onyń ishinde Azııa damý bankinen qarajat tartyldy.
Qalǵan 11-52 km, 52-100 km (Aqtóbe-Qandyaǵash) ýchaskesi boıynsha jobaǵa sáıkes joldy ІІІ-shi tehnıkalyq sanattan tórt jolaqty qozǵalysy bar І-shi tehnıkalyq sanatqa aýystyrý týraly tehnıkalyq sheshim qabyldanǵan bolatyn. Qazirgi ýaqytta merdiger kompanııany taýdaý úshin konkýrstyq qujattama ázirlenýde.
Halyqaralyq tranzıt dálizin qaıta jańartýdyń arqasynda Qazaqstannyń Qytaı, Reseı jáne Batys Eýropa elderi arasyndaǵy tranzıttik aǵynnyń jáne taýar aınalymyn ulǵaıtýǵa múmkindik beredi.
