Aqtóbeden Almatyǵa shyqqan ushaq zaqymdandy

ASTANA. KAZINFORM – Air Astana áýe kompanııasy Aqtóbeden Almatyǵa shyqqan ushaqtyń keshigýine qatysty túsinikteme berdi.

«16 tamyzda Airbus A321 ushaǵyn súıretý kezinde shassıdiń tumsyq tiregindegi bekitpe zaqymdanǵan. Aqtóbe-Almaty baǵyty boıynsha KS866 reısi aldymen 17 tamyzǵa deıin keshiktirilip, keıin toqtatyldy. Jolaýshylarǵa bılet qunyn aıyppulsyz qaıtarý usynyldy», - delingen aqparatta. 

Ushaqty jóndeý úshin jolaýshylardy qaldyryp Astanaǵa jetkizý týraly sheshim qabyldanǵan. Alaıda, elorda áýejaıynyń túngi ýaqytta jabylýyna baılanysty áýekompanııa reısti 19 tamyzǵa qaldyrýǵa májbúr bolǵan. 

«Aqtóbede ushaqtyń zaqymdanýy basqa da ondaǵan reısterdiń keshigýine ákeldi», - deıdi Air Astana-dan.