Aqtóbedegi jýrnalıstiń ólimine qatysty is qozǵaldy
AQTÓBE. QazAqparat - Aqtóbede lıftide qaza bolǵan Aızat Ábdisamattyń oqıǵasyna qatysty qylmystyq is qozǵaldy. Bul týraly oblystyq ІІD baspasóz qyzmetine silteme jasap QazAqparat tilshisi habarlaıdy.
«4 sáýir kúni kezekshi bólimge turǵyn úılerdiń birindegi lıftide adam máıiti tabylǵany týraly habar tústi. Qazirgi kezde osy oqıǵa boıynsha QR Qylmystyq kodeksiniń «Sapasyz salynǵan qurylys» baby boıynsha tergeý júrip jatyr. Birneshe saraptama taǵaıyndaldy»,- dep habarlady oblystyq ІІD baspasóz qyzmeti.
Buǵan deıin habarlaǵanymyzdaı, lıft ishinde Aızat Ábdisamattyń 3 jastaǵy qyzy bolǵan. 28 jastaǵy kelinshek jedel járdem kelgenshe qaza boldy. Onyń aıaǵy esikke qystyrylyp, denesinen bólinip qalǵan. Aıta keteıik, Aızat Ábdisamat jergilikti «Aqtóbe» telearnasynda tańǵy baǵdarlamany júrgizip, balalar baǵdarlamasyn ashqan.
