Aqtóbedegi jol apatynan Ózbekstan azamaty kóz jumdy
AQTÓBE. QazAqparat – Reseıden Aqtóbeniń Hromtaý qalasyna baǵyt alǵan «Deý Neksııa» markaly avtokóliginiń júrgizýshisi qarsy baǵytqa shyǵyp, jol apatyna ushyrady. Rólde otyrǵan Ózbekstan azamaty kóz jumdy, dep habarlaıdy QazAqparat tilshisi.
Aqtóbe qalasyndaǵy Soltústik aınalma tasjoldyń 3 shaqyrymynda, ıaǵnı, Aqshat aýylynyń mańynda jol-kólik oqıǵasy tirkeldi. «Deý Neksııa» markaly avtokóliginiń júrgizýshisi, Ózbekstan azamaty aýa raıyn eskermeı, joldyń taıǵaq ýchaskesinde qarama-qarsy baǵytqa shyǵyp, «Toıota Kamrı-55» avtokóligimen soqtyǵysqan. Jol-kólik oqıǵasy kezinde «Deý Neksııa» avtokóliginiń júrgizýshisi oqıǵa ornynda kóz jumdy.
«Barlyǵy 6 adam Aqtóbe qalasyndaǵy jedel járdem qyzmeti aýrýhanasyna ártúrli dene jaraqatymen jetkizildi. Aqtóbe oblystyq polıtsııa departamenti jolda erejeni qatań saqtaýdy eskertedi. Sondaı-aq qala men aýdandardan tys jerlerge shyqqanda jol-meteorologııalyq jaǵdaılardy nazarǵa alýdy suraımyz», - dedi oblystyq polıtsııa departamenti baspasóz qyzmetiniń jetekshisi Erbolat Sarqulov.
