Aqtóbedegi jol apatyna baılanysty qylmystyq is qozǵaldy
AQTÓBE. QazAqparat - Aqtóbedegi jol apatyna baılanysty qylmystyq is qozǵalyp, tergeý bastaldy, dep habarlaıdy QazAqparat tilshisi.
Aqtóbe oblystyq polıtsııa departamentiniń habarlaýynsha, avtobýs pen jeńil kólik soqtyǵysqan kezde avtobýs ishinde 34 jolaýshy bolǵan.
«Jol-kólik oqıǵasy bolǵan jerde 23 adam shuǵyl medıtsınalyq kómek surap júgingen, onyń 9-y bala men altaýy eresek. Olar aýrýhanaǵa jatqyzyldy. Qazirgi ýaqytta jol-kólik oqıǵasy boıynsha QR QK 345 baby 2 tarmaǵy boıynsha sotqa deıingi tergeý amaldary bastaldy», - bedi Aqtóbe oblysy polıtsııa departamenti baspasóz qyzmeti.
Aıta keteıik, Aqtóbe qalasyndaǵy Soltústik aınalma joldyń 13 shaqyrymynda jol-kólik oqıǵasy tirkeldi. Avtobýs ishinde №9 mektep-gımnazııasynyń 18 oqýshy men 9 ata-ana bolǵan.
Avtobýs júrgizýshisi jol erejesin buzyp, Tájikstan azamaty mingen «Nıssan» kóligimen túıisip qaldy. Sol kezde avtobýs aýdaryldy.
