Aqtóbedegi jol apaty: Kólik rýlinde dırektordyń orynbasary bolǵan

AQTÓBE. QazAqparat – Aqtóbe oblysynda bolǵan jol-kólik apatynyń sebep-saldary zerttelip jatyr. Oblystyq polıtsııa departamentiniń habarlaýynsha, kólik rýlinde sport mektebi dırektorynyń orynbasary boldy, dep habarlaıdy QazAqparat tilshisi.

«Balalar mekteptegi sabaqtan bosatylmaǵan soń dırektor oqýshylardy jarysqa jiberý týraly buıryqqa qol qoımaǵan. Sáıkesinshe, polıtsııanyń ilesip júrýine ótinish hat jazylmaǵan. Degenmen olar 17-qarasha kúni qalaǵa qaraı shyqqan. Jattyqtyrýshy dırektordyń orynbasaryna ótinish aıtqan. Bul týraly dırektorǵa eskertpegen. Demek buıryq shyqpaǵan, balalardy alyp júrý uıymdastyrylmaǵan. Balalar arasynda ótetin kýbok jylyna bir ret uıymdastyrylady. Bul buqaralyq-sporttyq shara», - dedi oblystyq densaýlyq saqtaý basqarmasynyń basshysy Evgenıı Goncharov.

Aqtóbe oblystyq polıtsııa departamenti baspasóz qyzmetiniń jetekshisi Erbolat Sarqulovtyń habarlaýynsha, QR Indýstrııa jáne ınfrasqurylymdyq damý mınıstrliginiń «Avtomobıl kóligimen jolaýshylar men bagajdy tasymaldaý qaǵıdalaryn bekitý týraly» buıryǵyna sáıkes balalardy tasymaldaý kezinde polıtsııa qyzmetkerleriniń ilesip júrýi úshin belgilengen merzimnen 3 táýlik buryn suranys berilýi qajet.

Osyǵan deıin Aqtóbede oqýshylar mingen mınıven aýdarylyp, bir bala kóz jumǵany habarlandy.

Sondaı-aq Aqtóbede oqýshylardyń kólik apatyna ushyraýyna baılanysty tergeý júrip jatqany jazyldy.

Aqtóbe oblystyq densaýlyq saqtaý basqarmasynan balalarǵa operatsııa jasalǵany habarlandy.

Keıinirek jol-kólik oqıǵasyna túsken balalardyń jattyqtyrýshysy es-tússiz jatqany anyqtaldy.

Al kólikti basqarǵan sport mektebi dırektorynyń orynbasary ekeni belgili boldy.

Foto: Aqtóbe oblysynyń Polıtsııa departamenti