Aqtóbedegi jol apaty: Qabyrǵasy synǵan ózbekstandyq emnen bas tartty
AQTÓBE. QazAqparat - Samara-Shymkent tasjoly boıynda jol apaty bolyp, Ózbekstan azamattary zardap shekti. Aýrýhanaǵa jetkizilgen soń olar qolhat qaldyryp, úılerine ketip qalǵan, dep habarlaıdy QazAqparat tilshisi.
Buǵan deıin, Aqtóbeden Hromtaýǵa baǵyt alǵan avtobýs aýdarylyp, 7 adamnyń zardap shekkeni týraly habarlaǵan bolatynbyz. Oblystyq ІІD baspasóz qyzmeti rólge ıe bola almaı qalǵan júrgizýshige qatysty qylmystyq is qozǵalǵanyn málimdedi. Al Hromtaý aýdandyq aýrýhanasy túrli dene jaraqatymen túsken jolaýshylar qolhatpen shyǵyp ketkenin aıtty.
«Jol apaty bolǵan kezde aýrýhanaǵa 9 adam jetkizildi. Qabyrǵasy synyp, túrli dene jaraqatyn alǵan Ózbekstan azamaty em qabyldaýdan bas tartyp, qolhatpen aýrýhanadan shyǵyp ketti. Olardyń bári óz elderine ketti»,- dedi Hromtaý aýdandyq aýrýhanasy bas dárigeriniń emdeý isi jónindegi orynbasary Lıýdmıla Volnenko.
