Aqtóbedegi jol apaty: Eki jasar bala jansaqtaý bóliminde jatyr
AQTÓBE. QazAqparat – Aqtóbedegi jol apaty kezinde zardap shekken eki jasar bala jansaqtaý bóliminde jatyr, dep habarlaıdy QazAqparat tilshisi.
Dárigerler jol apatyna ushyraǵan ár oqýshyny qarap shyqty. Bir bala mı jaraqatymen jansaqtaý bólimine tústi.
«Mı jaraqaty, mıdyń jumsaq tinderi kesildi. Jaǵdaıy turaqty. Operatıvti emge daıyndalyp jatyr. Taǵy bir oqýshy travmatologııa bólimine tústi. Onyń qolynda kesilgen jaraqat bar. Balaǵa hırýrgııalyq ota jasalady. Taǵy eki balany aýrýhanaǵa jatqyzý máselesi qarastyrylyp jatyr. Ómirine qaýip tónip turǵandaı eshteńe joq. Barlyǵy 8 ata-ana ákelindi, onyń úsheýi travmatologııada em qabyldaıdy», - dedi oblystyq densaýlyq saqtaý basqarmasynyń basshysy Áset Qalıev.
Aıta keteıik, Aqtóbe qalasyndaǵy Soltústik aınalma joldyń 13 shaqyrymynda jol-kólik oqıǵasy tirkeldi. Avtobýs ishinde №9 mektep-gımnazııasynyń 18 oqýshy men 9 ata-ana bolǵan.
Avtobýs júrgizýshisi jol erejesin buzyp, Tájikstan azamaty mingen «Nıssan» kóligimen soqtyǵysyp qaldy. Sol kezde avtobýs aýdarylǵan.
