Aqtóbedegi jol apaty: Ata-analar mektep ákimshiligine habarlamaı tabıǵat aıasyna shyqqan
AQTÓBE. QazAqparat – Aqtóbede aýdarylǵan avtobýsta bolǵan oqýshylar men ata-analar tabıǵat aıasyna shyqqan. Ony mektep ákimshiligi bilmegen, dep habarlaıdy QazAqparat tilshisi.
Ata-analar jeke avtobýsty jalǵa alyp, balalarymen tabıǵat aıasynda tynyqpaq bolǵan. №9 mektep-gımnazııasynyń ákimshiligi bul týraly múlde bilmegen.
«Júrgizýshi balalar men ata-analar mektep janynda jınaldy dep aıtty. Biraq mektep basshylyǵy bul sapardan múlde beıhabar. Aldaǵy kúnderi mektep basshylyǵymen jumys júredi. Bári de 5 »A« synybynyń oqýshylary. Avtobýs ishinde barlyǵy 27 adam bolǵan. Arasynda birde-bir muǵalim joq, - dedi qalalyq bilim bóliminiń basshysy Saıan Súleımenov.
Aıta keteıik, Aqtóbe qalasyndaǵy Soltústik aınalma joldyń 13 shaqyrymynda jol-kólik oqıǵasy tirkeldi. Avtobýs ishinde №9 mektep-gımnazııasynyń 18 oqýshy men 9 ata-ana bolǵan.
Avtobýs júrgizýshisi jol erejesin buzyp, Tájikstan azamaty mingen »Nıssan« kóligimen soqtyǵysyp qaldy. Sol kezde avtobýs aýdarylǵan.
Foto: diapazon.kz
