Aqtóbedegi jol apaty: 4 qyrǵyzstandyq qaza tapty
AQTÓBE. QazAqparat - Samara-Shymkent tasjolynda jol apaty bolyp, 4 Qyrǵyzstan azamaty kóz jumdy, dep habarlaıdy QazAqparat tilshisi.
Oqıǵa búgin saǵat 01:30-da Samara-Shymkent tasjolynyń 1170 shaqyrymynda, ıaǵnı, Yrǵyz aýyly mańynda boldy.
«Lada-21070» avtokóliginiń júrgizýshisi, Qyrǵyzstan Respýblıkasynyń azamaty Aral qalasynan Yrǵyz aýdanyna qaraı bara jatqan. Aýa-raıy qolaısyzdyǵyn eskermegen júrgizýshi joldyń taıǵaq ýchaskesinde qarsy baǵytqa shyǵyp ketip, «Shevrolet-Krýz» avtokóligimen soqtyǵysty. Jol-kólik oqıǵasy saldarynan «Lada-21070» avtokóliginiń 29 jasar júrgizýshisi 3 jolaýshymen birge oqıǵa ornynda kóz jumdy. Bári Qyrǵyzstan azamaty. Qazir bir jolaýshy Yrǵyz aýdanynyń ortalyq aýrýhanasynda jatyr. Tergeý amaldary júrgizilýde», - dedi oblystyq PD baspasóz qyzmetiniń jetekshisi Erbolat Sarqulov.
