Aqtóbedegi jer úıde gaz jarylyp, 2 adam aýrýhanaǵa tústi

AQTÓBE. QazAqparat - Aqtóbe oblysy, Temir aýdany, Shubarshı aýylynda jer úıde gaz qurylǵysy jarylyp, eki adam aýrýhanaǵa tústi.

Aqtóbe oblystyq TJD baspasóz qyzmetiniń habarlaýynsha, túnde saǵat 2:37-de Shubarshı aýylyndaǵy 8-naýryz kóshesinde oqys oqıǵa bolǵan.

«Oqıǵa ornyna jetken kezde gaz qazandyǵy jarylǵany belgili boldy. Biraq órt shyqpaǵan. Jylytý qazandyǵy isten shyqqan bolýy múmkin. Sodan gaz jınalyp, áp sátte jarylyp, 84 sharshy metr bolatyn qabyrǵa men shatyry qulady. Zardap shekken eki adam aýrýhanaǵa jetkizildi. Olardyń jaǵdaıy qalypty»,-dep habarlady oblystyq TJD baspasóz qyzmeti.
Aıta keteıik, órt qaýipsizdigi erejesin qatań saqtaý eskertiledi. Qandaı da bir oqys oqıǵa bolsa dereý «101» «112» nómirlerine habar barý kerek.