Aqtóbedegi jańaratyn kóshe ataýlary: Pýgachev – Muhtar Áýezov, Kıselev – Móńke bı, Roza Lıýksembýrg – Dına Nurpeıisova

Aqtóbe oblysy boıynsha kóshelerdiń 93 paıyzy qazaqy, ulttyq sıpatta. Aqtóbe oblystyq onomastıkalyq komıssııasy jyl saıyn aty eskirgen kóshelerdi ózgertýdi usynady. Bul joly 35 kósheniń ataýy jańardy. Endi Pýgachev-Muhtar Áýezov, Stepan Razın - Máshhúr Júsip, 1 maı - Syrym batyr, Roza Lıýksembýrg - Dına Nurpeıisova, Sovhoznyı proezd - Úshtaǵan, Şors - Araı, Demıan Bednyı - Qasym han, Koltsov - Oral, Ýdarnyı - Temirqazyq, Rıahov - Mahmud Qashqarı, Kobozev - Býrabaı, aǵaıyndy Korostelevter - Kereı han, Krasnoşekov - Atyraý, Jýkovskıı - Jánibek han, Zınchenko - Edige batyr, Chapaev - Sháken Aımanov, Mırzoıan - Álıhan Bókeıhan, Dekabrıster - Saýran, Kotovskıı - Ǵabıt Músirepov, Vorovskıı - Zańǵar, Kıselev - Móńke bı, Lenıngradskıı - Muhametjan Tynyshbaev, Zemledelcheskıı - Altyn emel, Patolıchev - Bilge qaǵan, Garnızon - Jansha Dosmuhameduly, Babýshkın - Samuryq, Telman - Yrǵyz, Kýıbyshev - Syǵanaq, 70 let oktıabrıa - Jeruıyq, Frýnze - Іzgilik, 60 let oktıarbıa - Sarjaılaý, Sovet - Baldyrǵan, Fýchık - Terekti, Sovet - Orynbor, Narımanov-Internatsıonalnaıa - Shyǵanaq Bersıev bolady.

«Qazaqtyń batyrlary, handarynyń esimderi ataýsyz kóshelerge de berildi. Máselen, Aqtóbe qalasynda endi Táýke han, Qabanbaı batyr, Aqan seri, Otyrar, Qulager, Keńjaılaý, Qaraǵaıly, Balbulaq, Shalqyma kósheleri bolady. Aqtóbe oblysy ákimdigi usynyp, respýblıkalyq onomastıkalyq komıssııa oń qorytyndy berdi. Al aýdandar oblystyq komıssııaǵa usynys beredi. Taıaýda 20-ǵa jýyq kóshege ataý berý usynysy qaraldy. Keri qaıtarylǵandary da bar. Qaıtalanatyn, jalpylama, emotsııalyq ataýlar qabyldanbady»,- dedi Aqtóbe oblystyq tilderdi damytý basqarmasynyń basshysy Gúlaıym Tólebaeva.

Aıta keteıik, kóshe ataýlaryn oblystyq máslıhat bektilip, ádilet departamentine tirkeledi. Keıin kóshelerdegi belgiler aýystyrylady.