Aqtóbedegi Jamanshyń krateri memlekettik qorǵaýǵa alynady
AQTÓBE. QazAqparat - Aqtóbedegi Jamanshyń kraterin memlekettik qorǵaýǵa alý týraly usynys oblystyq máslıhatqa tústi. Depýtattar qoldasa, meteorıt qulaǵan jer qorshalyp, týrıstik mekenge aınalady, dep habarlaıdy QazAqparat tilshisi.
Aqtóbe oblysy, Yrǵyz aýdany, Jamanshyń kraterindegi tastar tonalyp jatqanyn buǵan deıin habarlaǵa n bolatynbyz.
Aqtóbe oblystyq syrtqy baılanystar jáne týrızım basqarmasy bul jerdi memlekettik qorǵaýǵa alyp, týrıstik marshrýtty jandandyrý jumysyn qolǵa aldy.
«Jamanshyń kraterine qyzyǵýshylar óte kóp. Biraq bul jer memlekettik qorǵaýǵa alynbaǵan. Basqarma meteorıt qulaǵan jerdi aldymen zańdy túrde qorǵaýǵa alyp, keıin qorshaý jumystaryn bastaýdy josparlap otyr. Sodan soń jaıaý júrginshiler jolyn salyp, týrısterdiń aıaldap, baqylap, qarap, zertteıtin jerlerin bekitip, geotýrızmge qyzyǵatyn adamdardy shaqyrý jumysy jolǵa qoıylady»,- dedi oblystyq syrtqy baılanystar jáne týrızm basqarmasynyń basshysy Ermek Kenjehanuly.
Aıta keteıik, Jamanshyń kraterimen qatar óńirde Aıdarlyasha geomorfologııalyq kesindisi bar. Bul jer geologtardyń qyzyǵýshylyǵyn týdyryp otyr. Aldaǵy ýaqytta Aıdarlyasha da qorǵaýǵa alynady.
