Aqtóbedegi VIP-massaj salonda ıntım qyzmet kórsetetin top anyqtaldy

AQTÓBE. QazAqparat - Oblystyq krımınaldyq polıtsııa qyzmetkerleri «Stop trafık» jedel aldyn alý sharasy aıasynda ıntım qyzmet kórsetken top ustaldy, dep habarlaıdy QazAqparat tilshisi.

Aqtóbe qalasynyń eski bóliginde ornalasqan VIP-massaj salonynda jynystyq qyzmet kórsetken prıton anyqtaldy. Jedel izdestirý sharasy kezinde mekeme ákimshisi qyzmetin atqarǵan Aqtóbe qalasynyń turǵyny ustaldy.

Tekserý kezinde ıntımdik qyzmet kórsetken Atyraý oblysynyń úsh áıeli qolǵa tústi.
«Polıtsııa departamenti osy fakti boıynsha Qylmystyq kodekstiń «Jezókshelikpen aınalysý jáne jeńgetaılyq úshin prıtondar uıymdastyrý nemese ustaý« baby boıynsha sotqa deıingi tergeý bastaldy. Sonymen qatar, shekteý erejesin buzǵany úshin materıaldar Ákimshilik quqyqbuzýshylyq týraly kodekstiń 425-baby, ıaǵnı, «Halyqtyń sanıtarlyq-epıdemıologııalyq salaýattylyǵy salasyndaǵy zańnama talaptaryn, sondaı-aq gıgıenalyq normatıvterdi buzý» boıynsha kináli adamdardy ákimshilik jaýapqa tartý úshin Aqtóbe qalasynyń taýarlar men kórsetiletin qyzmetterdiń sapasy men qaýipsizdigin baqylaý basqarmasyna jiberildi», - dedi oblystyq PD baspasóz qyzmetiniń jetekshisi Erbolat Sarqulov.