Aqtóbedegi túzetý mekemesinde daýys berý aıaqtaldy

AQTÓBE. QazAqparat - Aqtóbedegi túzetý mekemesinde 148 adam tańdaýyn jasap, az ýaqytta daýys berý aıaqtaldy, dep habarlaıdy QazAqparat tilshisi.

Aqtóbedegi KA 168/1 túzetý mekemesinde qamaýǵa alynǵan, sot úkimi zańdy kúshine enbegen, 18 jasqa tolǵan azamattar óz daýysyn berdi.

"Túzetý mekemelerinde 250-ge jýyq adam bar. Onyń 148-i daýys berýge quqyly. Saılaý ýchaskesi óz ýaqytynda ashylyp, túzetý mekemesinde otyrǵandar az ýaqytta óz tańdaýy jasady", - dedi tergeý mekemesi bastyǵynyń orynbasary Sabyrjan Nurtazın.

Aıta keteıik, Aqtóbe oblysynda 529 saılaý ýchaskesi bar. Onyń 150-i oblys ortalyǵynda. Qazir daýys berý jalǵasyp jatyr.