Aqtóbedegi turaqtandyrý qoryna 4 myń tonna azyq-túlik salyndy
Óńirlik kommýnıkatsııalar qyzmetinde ótken baspasóz máslıhatynda oblystyq aýyl sharýashylyǵy basqarmasynyń basshysy Qusaıyn Sarsembaı turaqtandyrý qory týraly baıandady.
Aqtóbe oblysyndaǵy azyq-túlik taýarlarynyń óńirlik turaqtandyrý qoryna josparǵa sáıkes 1850 tonna kartop, 300 tonna pııaz, 250 tonna sábiz, 150 tonna qyryqqabat salynatyn bolady. Aýyl sharýashylyǵy ónimderi jergilikti «Prıgorodnyı» JShS, «Bolat LTD» JShS, «Elaman 2014» JShS jergilikti sharýa qojalyqtaran satyp alynǵan.
«Óńirlik turaqtandyrý qory bazardaǵy azyq-túlik baǵasyn rettep, oblystaǵy azyqtyń qaýipsizdigin qamtamasyz etý úshin qajetti qor jasaıdy. Qazirgi tańda turaqtandyrý qoryn qosymsha azyq-túlik taýarlarymen toltyrý maqsatynda «Bazarlardy basqarý» JShS men taýar óndirýshiler fıýcherstik kelisimshartqa qol qoıdy. Pandemııaǵa baılanysty jergilikti bıýdjetten qosymsha 300 mln teńge bólindi. Bul qarajatqa 90 tonna kúrish, 159 tonna І-surypty bıdaı uny, 75 tonna qaraqumyq jarmasy, 80 tonna un ónimi, 15 tonna shaı, 60 tonna kúnbaǵys maıy, 144 tonna qant, 16,2 tonna tuz, 84 tonna et buqtyrmasy, 36 tonna taýyq eti satyp alynatyn bolady»,- dedi Qusaıyn Sarsembaı.
Sonymen qatar azyq-túlikpen jáne qajet taýarlarmen qamtamasyz etý úshin óńirdegi iri saýda jelilerimen 500 mln teńgege kelisim jasaldy. Turaqtandyrý qorynyń ónimderi «Tabys» kommýnaldyq bazarynda jáne 22 shaǵyn bazarda, áleýmettik dúkender men saýda pavılondary arqyly jalpy qaladaǵy baǵadan 10-25% tómen baǵaǵa satylady.