Aqtóbedegi tótenshe jaǵdaılar qyzmeti qysqy jylytý beketterin eki esege kóbeıtti
AQTÓBE. QazAqparat - Aqtóbedegi tótenshe jaǵdaılar qyzmeti bıyl qys qatty bolady ári uzaqqa sozylady degen boljammen daıyndyqty kúsheıtti. Óńirdegi jylytý beketi eke ese kóbeıedi, dep habarlaıdy QazAqparat tilshisi.
«Qys-2017» respýblıkalyq oqý-jattyǵýy bıyl Aqtóbede ótedi. Qar tazalaý tehnıkalary tanystyrylyp, qar qursaýynda qalǵan adamdardy qutqarý, temirjoldaǵy atap kezinde jedel áreket jasaý, gaz qubyrynyń jarylýy men tesilýi kezinde qaýipsizdik sharasyn kúsheıtý oqý-jattyǵýy arnaıy uıymdastyrylady. Sonymen qatar, tikushaqtardyń jumysy tekseriledi. Bul arnaıy qyzmet ókilderi úshin ǵana emes, qarapaıym adamdar úshin qajetti jattyǵý. Sebebi, qutqarýshylardyń eskertýine mán bermegen turǵyndar qar qursaýynda qalǵan kezde qarapaıym ózin-ózi qutqarý erejelerin bilmeıdi.
«Qysta qutqarý jumystaryn 37 brıgada júrgizedi. Qurylǵan top ishinde 1 myńnan astam adam, 500 tehnıka bar. Qysta eskertýlerge qulaq aspaı, jolǵa shyǵyp ketetin adamdar kóp. Endi jylytý oryndarynyń sany eki esege artty. Sonymen qatar, jyljymaly jylytý oryndary kóbeıedi. Kez kelgen jolda júre alatyn tehnıkalarda adamdardyń ómirin saqtap qalýǵa arnalǵan barlyq jabdyq bolady. KaMAZ kóligi de adamdardy tasymaldaıy, ishi jyly bolady. Avtobýstar da jyljymaly jylytý orny bola alady»,- dedi Aqtóbe oblystyq tótenshe jaǵdaılar departamentiniń bastyǵy Baýyrjan Syzdyqov.
Tótenshe jaǵdaılar qyzmeti sınoptıkterden aladyn ala málimet aldy. Bıyl qys qatty ári sozylmady bolady. Aqtóbege kóktem kesh keledi degen boljam jasalǵan soń aýdandardaǵy tehnıkalar men jylý oryndaryn qarap, tekseretin arnaıy komıssııa qurylady. Inertti materıaldardy jetkizý jumysy júredi.
«Tótenshe jaǵdaılar komıtetine qaraıtyn «Qazavıaqutqarý» mekemesinde bir tikushaq bar. Áýejaıda arnaıy angar salynǵan. Sanavıatsııa da jumys istep tur. 2017 jyldaǵy kóktemgi sý tasqyny kezinde úsh kúnde birneshe ret ushyp, aýmaqty tekserip shyqtyq. Tikushaqtyń kómegi zor. Oblysta ózge mekemelerdiń de tikushaǵyn qajet kezinde paıdalana alamyz», - dedi Baýyrjan Syzdyqov.
