Aqtóbedegi teraktiden zardap shekkenderdi eske alýǵa arnalǵan vıdeo jarııalandy

ASTANA.QazAqparat - Aqtóbedegi qaıǵyly oqıǵaǵa bir jyl tolýyna oraı ǵalamtorda terrorlyq akti saldarynan zardap shekkenderdi eske alýǵa arnalǵan vıdeo paıda boldy, dep habarlaıdy QazAqparat.

Ekstremıster qolynan qaza tapqan adamdar jaıly estelikter sol kúnderden qalǵan vıdeojylnamalar arqyly beriledi.

Atalǵan rolıkti QR Aqparat jáne kommýnıkatsııalar mınıstrliginiń tapsyrysymen «KTK» telearnasynyń túsirý toby jáne «Kazkontent» AQ birlesip ázirledi.

Eske sala ketsek, 2016 jyly 5 maýsymda radıkaldy aǵymdardyń bir top múshesi Aqtóbedegi eki birdeı qarý-jaraq dúkenin tonap, áskerı bólimshege shabýyl jasaǵan bolatyn. Shabýyl kezinde jeti adam qaza taýyp, 30 adam jaraqat aldy. Antıterrorlyq operatsııa kezinde 13 qylmyskerdiń kózi joıylyp, toǵyzy ustaldy.

Aqtóbedegi terrorlyq akti kezinde qaza tapqan áskerıler men turǵyndar:

«Pallada» qarý dúkeniniń satýshysy Andreı Vladımırovıch Maksımenko, 1978 jylǵy,
zeınetker Nıkolaı Alekseevıch Onışenko, 1947 jylǵy, «Pallada» dúkeniniń qasynan ótip bara jatqan,
«Kúzet» qyzmetkeri Merhan Esenbaıuly Tájibaev, 1983 jylǵy,
Mıhaıl Vıtalevıch Matrosov, 1981 jylǵy, «Pantera» dúkenine kelýshi.
Áskerı qyzmetker Dosbol Erkinbekuly Sapar, 1997 jylǵy, OQO-dan,
áskerı qyzmetker Danıel Aqarysuly Maılybaev, 1975 jylǵy, Almatydan,
áskerı qyzmetker Berik Erlanuly Qalıev - Oraldan, 1978 jylǵy.