Aqtóbedegi tárbıeshiler arasynda psıhologııalyq, norkologııalyq dıspanserdiń tizimde turǵandar anyqtaldy
Aqtóbe oblysynyń prokýratýrasy jetim balalardyń quqyǵyn qorǵaý maqsatynda tekserý jumystaryn júrgizip, birneshe zańsyzdyqty anyqtady. Tekserý kezinde patronattyq tárbıeshiler men qorǵanshylar óz mindetterin tolyq oryndamaǵany belgili boldy.
«Patronattyq tárbıege berilgen balalar tárbıeshilerinen bólek turǵan anyqtaldy. Olardy jasóspirimderdi ýaqytsha beıimdeý ortalyǵyna jetkizgen. Bul kezde ákimshilik quqyq buzýshylyq tirkeldi. Dál osy derekke qaramastan tárbıeshiler aı saıyn orta eseppen 60 myń teńge jalaqy alyp otyrǵan. Qorǵanshylyq jáne qamqorshylyq bólimi patronattyq tárbıeshilerdi baqylaýdy durys júrgizbegen. Saldarynan tárbıeshiler arasynda buryn sottalǵan, psıhologııalyq, narkologııalyq dıspanserde esepte turǵan adamdardyń bar ekenin anyqtaldy»,- dedi Aqtóbe oblysy prokýratýrasynyń appparat jetekshisi Jasulan Dáýlembaev.
Sonymen qatar, prokýrorlar tekserý jumystary kezinde 34 tárbıelenýshiniń múliktik quqyǵyn qorǵap qaldy. Kámelet jasqa tolmaǵan 21 tárbıelenýshige alıment óndirilip, 7 jasóspirimniń múliktik quqyǵy saqtaldy. Olar kámelet jasqa tolǵansha páteri saqtalady. Barlyǵy 2 bala kámelet jasqa tolǵansha múlikti jalǵa berýden túsken qarjysyn Turǵyn úı qurylys jınaq bankindegi arnaıy shotyna jınaı alady. Prokýratýranyń tekserý jumystarynan soń áleýmettik salanyń 8 qyzmetkeri tártiptik jazaǵa tartyldy.