Aqtóbedegi stýdentter tóbelesi: Orta oqý orny oqıǵanyń qalaı bolǵanyn málim etti
AQTÓBE. QazAqparat - Aqtóbede eki stýdent sabaq ústinde sózge kelip qalyp, keıin biri ekinshisine pyshaq suǵyp alǵan, dep habarlaıdy QazAqparat tilshisi.
«Úzilis kezinde bolǵan jaǵdaı. Eki stýdent sabaq ústinde bir-birimen sózge kelip qalǵan. Sol kezde bir stýdent ekinshi stýdentke pyshaq salyp alǵan. Osy másele boıynsha qazir tergeý júrip jatyr. Ekeýi de quqyqtaný mamandyǵyn meńgerip júr edi. Bireýi Qyzylorda oblysy Aral aýdanynyń týmasy, ekinshisi Aqtóbeniń Temir aýdanynyń týmasy. Ekeýiniń de tártibi jaqsy, quqyq qorǵaý organdarynda tirkeýde bolmady. Sabaq úlgerimi, qatysýy jaqsy. Pyshaq jaraqatyn alǵan stýdent kúrtesin kıip, úıine ketip qalǵan. Bir stýdent kýratoryna habar berdi. Jaralanǵan stýdent úıine baryp, aǵasyna habarlasqan. Aǵasy aýrýhanaǵa jetkizgen», - dedi kolledj dırektory Gúljan Espaeva.
Aıta keteıik, Aqtóbe qalalyq polıtsııa basqarmasynyń №1 polıtsııa bólimi QR QK-niń 24-3, 99-babynyń 2-bóligimen «Adam óltirýge oqtalý» boıynsha qylmystyq is tirkeldi. Atalǵan qylmysty jasady degen kúdikpen Q.Jubanov atyndaǵy Aqtóbe óńirlik memlekettik ýnıversıtetiniń 2 kýrs stýdenti ustaldy. Qylmys quraly retinde pyshaq tárkilendi.
Aıta keteıik, buǵan deıin Aqtóbede taǵy da stýdentter tóbelesi bolǵanyn habarlaǵan bolatynbyz.
