Aqtóbedegi sport saraıy ÝEFA talabyna saı emes
AQTÓBE. QazAqparat – Fýtzaldan «Aqtóbe» komandasy chempıondar lıgasyndaǵy oıyny Almaty qalasynda ótedi, dep habarlaıdy QazAqparat tilshisi.
Aqtóbe qalasyndaǵy «Qonys» sport saraıy ÝEFA talabyna saı emes. Sondyqtan Chempıondar lıgasynyń 1/8 fınalynda slovenııalyq «Dobovetsti» qabyldaıtyn «aq-qyzyldar» óz matchyn Almaty qalasynda ótkizetin boldy. «Oıyn 18 aqpan kúni saǵat 16:00-de «Nur-Aman» sport kesheninde ótkiziledi dep josparlandy. Elimizdegi epıdımıologııalyq jaǵdaılarǵa baılanysty oıyn jankúıersiz ótedi. Qazirgi tańda «Qazsport» telearnasymen tikeleı kórsetilim boıynsha kelissózder júrip jatqanyn habarlaımyz. Oıynnyń tikeleı efırden kórsetlýi ábden múmkin», - dep habarlady «Aqtóbe» fýtbol klýbynyń baspasóz qyzmeti.
