Aqtóbedegi shalǵaı aýdanda 16 adamǵa páter berildi
AQTÓBE. QazAqparat – Aqtóbeniń Baıǵanın aýdanynda eki qabatty turǵyn úı paıdalanýǵa berildi. Kezekte turǵan 16 otbasy baspanaly boldy, dep habarlaıdy QazAqparat tilshisi.
Baıǵanın aýdanynyń Qaraýylkeldi aýylynda eki qabatty úı qurylysy aıaqtalyp, jetim, múmkindigi shekteýli jandar men kópbalaly jáne az qamtylǵan otbasylarǵa páter berildi.
«Memleket basshysynyń tapsyrmasyna sáıkes Aqtóbe oblysynda muqtaj adamdardy baspanamen qamtý sharalary júrgizilip jatyr. Bul jumys jalǵasatyn bolady», - dedi oblys ákimi Ońdasyn Orazalın.
Páter alǵan Hansulý Rysbaevanyń kezekte turǵanyna 7 jyl boldy. Ol qazir múgedek qyzyn tárbıelep otyr.
«On balam bar. Bári ósip, otbasyly boldy. Al qolymda múgedek qyzym qaldy. Oǵan da baspana aýadaı qajet edi. Táýelsizdiktiń 30 jyldyǵy qarsańynda armanymyz oryndaldy. Memleketke sheksiz rızamyn. Elimizge tynyshtyq, amandyq tileımin», - dedi Hansulý Rysbaeva. Demeýshilik qarajat esebinen oǵan jańa turmystyq tehnıka tartý etildi.
