Aqtóbedegi Prezıdent rezıdentsııasy balalarǵa arnalǵan nysanǵa aınalady

AQTÓBE. QazAqparat – Aqtóbe qalasyndaǵy rezıdentsııa buǵan deıin Memleket basshysy men túrli qonaqtar qabyldaıtyn qonaqúı bolsa, endi balalardyń demalys nemese saýyqtyrý ortalyǵyna aınalady. Bul týraly Aqtóbe oblysy ákimi apparaty basshysynyń orynbasary Erjan Baıtanaev aıtty, dep habarlaıdy QazAqparat tilshisi.

Elimizdiń birneshe aımaǵyndaǵy rezıdentsııa balalardyń qajettiligine jaraıtyn boldy. Aqtóbedegi ǵımaratty lager, saýyqtyrý orny nemese mektepke aınaldyrý týraly jobalar jan-jaqty qaralady.

«Búgingi shyqqan aqparat qujat boıynsha bizge túsedi. Biz ǵana sheshpeımiz. Qujattary zerttelip, tekserilip, Prezıdent basqarmasymen keńesip, zań boıynsha kórsetilgen baǵdarǵa tolyq ótkiziledi. Ony ótkizbesten buryn, biz ishin qaraımyz. Іshin beriletin mekemege, máselen balalarǵa arnalǵan lager, mektep, saýyqtyrý ornyna saı jabdyqtaýymyz kerek», - dedi Aqtóbe oblysy ákimi apparaty basshysynyń orynbasary Erjan Baıtanaev.

Qazirgi ýaqytta bul ǵımarat Memleket basshysy men sheteldik qonaqtar, túrli delegatsııany qabyldaıtyn qonaqúı retinde paıdalanylady. Oblys ákimi Eraly Toǵjanov bul ǵımaratta turmaıdy.

«Qazirgi ýaqytta ortalyqta eshkim turyp jatqan joq. Bul jer qonaqtar úıi, rezıdentsııa dep atalady. Keletin delegatsııa sol jerge toqtaıtyn. Qańyrap bos turǵan joq. Onyń barlyǵyn qaraıtyn, kútetin azdaǵan adam bar. Endi bizdiń óńirge ne kerek, sony aqyldasamyz. Túrli memlekettik organmen birge mektep, lager, saýyqtyrý orny sekildi jobalardy qaraımyz», - dedi Aqtóbe oblysy ákimi apparaty basshysynyń orynbasary Erjan Baıtanaev.

Aıta keteıik, rezıdentsııanyń aýmaǵy, ony kútip ustaý týraly aqparat ázirge belgisiz.

FOTO: Altynaı Saǵyndyqova