Aqtóbedegi órtengen avtobýs: Júrgizýshilerdi qamaý merzimi uzartyldy
AQTÓBE. QazAqparat - Aqtóbede avtobýs órtine qatysty tergeý áli jalǵasyp jatyr. Kúdikke ilikken júrgizýshilerdi ýaqytsha qamaýda ustaý merzimi 24 maýsymǵa deıin uzartyldy, dep habarlaıdy QazAqparat tilshisi.
Aqtóbe oblysy aýmaǵynda avtobýs órtenip, 52 Ózbekstan azamaty janyp ketken bolatyn. Sol kezde úsh júrgizýshi kúdikke iligip, qamaýǵa alyndy. Olar: Nurjan Qyrǵyzbaev, Maqsat Pernebekov pen Barat Tańatov. Aqtóbe oblystyq sotynyń baspasóz qyzmetiniń habarlaýynsha, tergeý merzimi 12 maýsymnan 24 maýsymǵa deıin taǵy uzartyldy. Bul osymen tórtinshi ret qoldanylǵan sheshim.
Eske salsaq, avtobýs órtine qatysty Qylmystyq kodekstiń «Kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy» baby boıynsha is qozǵaldy. Buǵan deıingi tergeý barysynda júrgizýshiler óz kinálaryn moıyndaǵan joq.
