Aqtóbedegi ortalyq stadıonda resmı oıyndardy ótkizýge tyıym salyndy
ASTANA. QazAqparat - Qazaqstan fýtbol federatsııasynyń jáne Qazaqstan kásipqoı fýtbol lıgasynyń birlesken komıssııasy Aqtóbe qalasynyń Qobylandy batyr atyndaǵy ortalyq stadıondy tekseristen ótkizdi, dep habarlaıdy QazAqparat Qazaqstan kásipqoı fýtbol lıgasyna silteme jasap.
Tekseris barysynda aýa raıynyń qolaısyz jaǵdaıyna baılanysty alańnyń tabıǵı tósenishi resmı oıyndardy qabyldaýǵa daıyn emestigi anyqtaldy.
Otyrystaǵy derekter negizinde, Alańdardy tekserý jónindegi birlesken komıssııa QFF jáne QKFL aıasynda ótetin barlyq resmı oıyndardy Aqtóbe qalasynyń Ortalyq stadıonynda ótkizýge tyıym saldy.
Esterińizge sala keteıik, 2017 jyly Alańdardy tekserý komıssııasy Aqtóbe qalasyndaǵy jasandy tósenishi bar ODıÝShOR stadıonynda resmı oıyndardy ótkizýge tyıym salǵan edi. Bul sheshim áli kúnge deıin ózgertilgen joq.
«Aqtóbe»-«Qaırat» Premer-lıgassynyń úshinshi týry matchyn ótkizetin oryn týraly sheshimdi matchtyń uıymdastyrýshylary - «Aqtóbe» fýtbol klýby qabyldaıdy.
