Aqtóbedegi órt: Polıtsııa sot aldy tergeý jumystaryn bastady
AQTÓBE. QazAqparat - Aqtóbede páterdiń as bólmesinen órt shyǵyp, eki bala kóz jumdy. Osy qaıǵyly oqıǵaǵa baılanysty polıtsııa sot aldy tergeý jumystaryn bastady, dep habarlaıdy QazAqparat tilshisi.
Aqtóbe qalasynyń 12 yqshamaýdanynda órt bolyp, as bólmeden eki balanyń múrdesi tabyldy. Keıin balalardyń gazdan ýlanǵany belgili boldy.
«25 jeltoqsanda kópqabatty úıde páter ishi janyp, 2 bala kóz qaza tapty. Oqıǵaǵa baılanysty sot aldy tergeý jumysy bastaldy. Órt-tehnıkalyq jáne qajetti saraptama taǵaıyndaldy. Aldyn ala belgili bolǵany, órt as bólmeden shyqqan, gaz plıtasynyń peshi qosýly qalǵan. Sondyqtan balalardy baqylaýsyz qaldyrýǵa bolmaıtynyn, turmystyq tehnıkany qoldaný kezinde órt qaýipsizdigi erejesin saqtaýdy suraımyz», - dep habarlady oblystyq polıtsııa departamentiniń baspasóz qyzmeti.
