Aqtóbedegi órt: Ózbekstannyń Qazaqstandaǵy konsýly oqıǵa ornyna attandy
ALMATY. QazAqparat - Ózbekstannyń Respýblıkasynyń Qazaqstandaǵy konsýly Shýhrat Teshabaev Almatydan oqıǵa ornyna attandy, dep habarlaıdy QazAqparat tilshisi.
Ózbekstan ókildigi qaıǵyly oqıǵa ornynda keshki 7 shamasynda bolady.
«Qazirgi tańda QR ІІM arnaıy komıssııa qurdy. Komıssııa quramyna TJD ókilderi, konsýldyq ókilderi kirdi. Olar shynymen Ózbekstan azamattary ma ol jaǵy áli belgisiz. Oqıǵa ornyna jetken soń anyqtaımyz», - dedi Ózbekstannyń Qazaqstandaǵy konsýly Shýhrat Teshabaev.
Aıta ketý kerek, tótenshe jaǵdaı Aqtóbe oblysynda boldy. «Samara-Shymkent» tasjolynda avtobýs órtenip, 52 adam qaza tapty.
«Bastapqy málimet boıynsha, búgin Astana ýaqytymen saǵat 10:30-da Yrǵyz aýdanynyń Qalybaı aýylyna jaqyn mańda avtobýs órtengen. «Ikarýs» markaly avtobýs ishinen shyqqan órt saldarynan 52 jolaýshy kóz jumdy. 5 kólikten shyǵyp úlgergen. Aman qalǵan 5 adamnyń ekeýi Ózbekstan azamaty, úsheýi Qazaqstan azamaty. Oqıǵa ornyna órt sóndirýge arnalǵan 2 tehnıka men 8 adam jiberildi. Bul jer oblys ortalyǵynan 320 shaqyrym qashyqtyqta ornalasqan», - dep habarlaıdy Aqtóbe oblystyq tótenshe jaǵdaılar departamentiniń baspasóz qyzmeti.
Aqtóbe oblystyq TDJ men oblys ákiminiń orynbasary jedel shtab qurdy. Qaýyrt jeli iske qosyldy. Oqıǵa ornynda polıtsııa, qutqarýshylar men psıhologtar, dárigerler jumys istep jatyr.
