Aqtóbedegi órt: kúıik shalǵan jigit oblys ortalyǵyna jetkizildi
AQTÓBE. QazAqparat - Aqtóbede gaz ballony jazylyp, eki adam kúıik jaraqatymen aýrýhanaǵa túsken bolatyn. Onyń bireýi oblys ortalyǵyna jetkizildi, dep habarlaıdy QazAqparat tilshisi.
Buǵan deıin habarlaǵanymyzdaı, 24 aqpan kúni saǵat 23:51-de Aqtóbe oblysy TJD kezekshi-dıspetcherlik qyzmetine Muǵaljar aýyly, Zaýyt kóshesindegi úı̆de gaz ballony jarylyp, artynan órt shyqqany týraly habarlama tústi. Muǵaljar aýylynyń órt sóndirý bólimi, polıtsııa jáne jedel járdem brıgadasynan 13 adam jáne 4 tehnıka oqıǵa ornyna dereý jetti. Jarylys saldarynan úı̆diń qabyrǵalary qulaǵan. Oqıǵa kezinde 2010 jyly týǵan bala qaıtys boldy. 1968 jyly týǵan úı ıesi men 1998 jylǵy azamat ártúrli dárejedegi kúıik alyp, jedel túrde aýdandyq aýrýhanaǵa jatqyzyldy.
Kóp uzamaı jas jigitti oblystyq jedel járdem aýrýhanasyna alyp ketti.
«Uly oblystyq jedel járdem aýrýhanasynyń travmatologııa bóligine jetkizildi. Al ákesi ázirge Embi qalasyndaǵy aýrýhanada. Aýa raıy qalypqa tússe, sanavıatsııamen ákelemiz. Jaǵdaıy turaqty aýyr», - dedi oblystyq densaýlyq saqtaý basqarmasynyń basshysy Rústem Isaev.
Aıta keteıik, úı ıesiniń denesi 65-70, al balasynyń denesi 20 % kúıik shalǵan.
