Aqtóbedegi órt: Eki balanyń ólimi ýly gazdan boldy
AQTÓBE. QazAqparat - Aqtóbede kópqabatty úıdiń páteri órtenip, eki balanyń múrdesi tabyldy. Aldyn ala belgili bolǵany - balalar gazǵa ýlanyp kóz jumǵan, dep habarlaıdy QazAqparat tilshisi.
Aqtóbedegi 12 yqsham aýdanda páter órtenip, eki balanyń denesi tabyldy.
Oqıǵa búgin saǵat 15:37-de tirkeldi.
"Jergilikti ýaqytpen saǵat 15:37-de Aqtóbe qalasynyń 12 yqsham aýdanynda órt shyqty. Órt saǵat 16:00-de sóndirildi. Barlyǵy 95 adam evakýatsııalanyp, 30 adam qutqaryldy. Órtti sóndirýge TJD-niń jeke quramynan 21 adam jáne 5 tehnıka jumyldyryldy. Oqıǵa ornynda 2012 jáne 2015 jyly týǵan balalardyń múrdesi tabyldy. Aldyn ala málimetter boıynsha balalar gazben ýlanyp qalǵan. Balalar úıde úlkenderdiń qaraýynsyz qalǵan. Іshki ister organdary sotqa deıingi tergeý júrgizip jatyr. Órt sebebi saraptama nátıjesi boıynsha anyqtalady", - dep habarlama taratty óńirlik kommýnıkatsııa qyzmeti.
Oqıǵa bolǵan kópqabatty turǵyn úıge qazir barlyq kommýnıkatsııa qosyldy. Qaýipsiz jerge shyǵarylǵan turǵyndar keshkilik páterlerine oraldy. Al órt bolǵan páterdi polıtsııa qyzmetkerleri mórlep, jaýyp tastady. Úıde ázirge lıft toqtatyldy.
"Oqıǵa bolǵan ýaqytta úıde jalǵyz boldym. Órt sóndirýshiler jedel kelip, kómek kórsetti. Tek kórshimniń eki qyzyn qutqaryp qalý múmkin bolmady. Biz óz kúshimizben baspaldaq arqyly shyqtyq. Bárimiz eseńgirep qaldyq", - dedi kórshileri.
