Aqtóbedegi ónimderdiń 5%-ǵa jýyǵy talapqa saı emes
Aımaqtaǵy sanıtarlyq-epıdemıologııalyq qadaǵalaý departamentiniń málimetinshe, byltyr ónimniń 2 299 túri zerttelgen, onyń ishinde 4,9%-y nemese 114 synama tehnıkalyq reglamentterdiń talaptaryna sáıkes kelmeıdi.
«Tamaq ónimderinen 1 658 synama zertteldi, sonyń ishinde 95 synamanyń tehnıkalyq reglamentter talaptaryna sáıkessizdigi anyqtaldy. Tutastaı alǵanda, sáıkes kelmeıtin tamaq ónimderiniń eń úlken kólemi, ıaǵnı 61%-y ımporttyq ónimge tıesili. Azyq-túliktik emes ónimderdiń 641 synamasyn zertteý nátıjesi 19-ynyń talapqa sáıkes kelmeıtinin kórsetti, munyń bári basqa eldiń ónimi. Sáıkessizdiktiń eń joǵary úlesi – 52,6%-y balalar oıynshyqtarynda. Adam terisimen janasatyn buıymdardyń 57 úlgisi zerttelip, tańbalaý boıynsha sáıkes kelmeıtin 5 synama belgili boldy. Turmystyq hımııa taýarlary úlgileriniń 127 synamasynyń 1-eýi Keden odaǵynyń tehnıkalyq reglamentter talaptaryna sáıkes kelmeıdi», - delingen habarlamada.
Onda ótken jyly anyqtalǵan sáıkessizdik faktileri boıynsha 6 jospardan tys tekserý júrgizilgeni jazylǵan. Buzýshylyqtardy joıý týraly 55 uıǵarym berilip, jalpy somasy 131 265 teńgege 3 aıyppul salyndy. 237,85 kg tamaq ónimderi saýda kásiporyndarynda satýdan alynyp tastaldy.
