Aqtóbedegi oqýshylardyń apatqa ushyraýy: Rýlde qalǵyp ketken júrgizýshi úıqamaqta bolady

AQTÓBE. QazAqparat - Alǵa aýdandyq soty rýlde qalǵyp ketip, jol-kólik apatyna sebepker bolǵan júrgizýshini úıqamaqqa jiberdi, dep habarlaıdy QazAqparat tilshisi.

Aqtóbe-Bolgarka-Shubarqudyq tasjolynda bolǵan jol-kólik apatynan soń birneshe qylmystyq is qozǵaldy. Oqıǵa bolǵan kúni qamaýǵa alynǵan sport mektebi dırektorynyń orynbasary ári júrgizýshi qamaýǵa alyndy. Al Alǵa aýdandyq soty ony úıqamaqqa jiberýdi uıǵarǵan.
«Tergeý organdary Qylmystyq kodekstiń 345-baby 3-bóligine sáıkes kúdiktini qamaýǵa alý týraly ótinish bildirdi. Alǵa aýdandyq soty ótinishti qanaǵattandyrmaı, eki aı merzimge úıqamaqqa alý týraly qaýly shyǵardy. ıAǵnı, 2023 jyldyń 17 aqpanyna deıin. Qaýly zańdy kúshine engen joq»,- dep habarlady oblystyq sottyń baspasóz qyzmeti.

Aıta keteıik, jol-kólik apatynan soń Aqtóbege Densaýlyq saqtaý vıtse-mınıstrimen birge úsh dáriger qosa keldi. Olar ota jasalǵan balalardy qarap shyqty.
Sonymen birge aýdandyq balalar jáne jasóspirimder sport mektebiniń basshylary da osy iske jaýapty. Olarǵa qatysty Qylmystyq kodekstiń «Salǵyrttyq», «Balalardyń ómiri men densaýlyǵynyń qaýipsizdigin qamtamasyz etý jónindegi mindetterdi tıisinshe oryndamaý» baptary boıynsha is qozǵalyp, tergeý júrip jatyr.