Aqtóbedegi «oq ótpeıtin» aıaldamalar taǵy da ózgerýi múmkin

AQTÓBE. QazAqparat – Aqtóbe aıaldamalary bir tıpti bolýy múmkin. Bul týraly búgin qala ákimi Mavr Abdýllın aıtty, dep habarlaıdy QazAqparat tilshisi.

Aqtóbe qalasyndaǵy aıaldamalardy aýystyrý jumysyn burynǵy ákim Іlııas Ispanov bastaǵan bolatyn. Alǵashynda ár aıaldamanyń quny 1,5 mıllıon teńge dep bekitilip, keıin jumysty atqaratyn merdiger árqaısysyn 1,1 mıllıon teńgege ornatty.

Alaıda aqtóbelikter jazda ystyqtan qorǵamaıtyn aıaldamalarǵa shaǵym aıtyp, kóleńke bolýy úshin shatyryna qara qaǵaz japsyryldy. Qazir de qoǵamdyq kólik oryndaryna shaǵym bar.

Oblys ákimi Ońdasyn Orazalın men qala ákimi Mavr Abdýllın qala ishindegi qoqystyń jınalýyn, kópir qurylysy men turǵyn úı qurylysyn qaraý kezinde bul máseleniń de sheshiletinin jetkizdi.

«Aıaldamalardyń syzbasy daıyndalyp, biz halyqqa tańdaý jasaýǵa múmkindik beremiz. ıAǵnı, daıyn bolǵan soń kórsetip, eń durysyn tańdaımyz, sony qalaǵa ornatamyz. Aıaldamalar bir tıpti bolady. Qala boıynsha taǵy 600 aıaldamada arnaıy kútý orny joq. Bul másele de sheshimin tabady», - dedi qala ákimi Mavr Abdýllın.

Aıta keteıik, bul jumystardyń qaı ýaqytta qolǵa alynatyny, qazirgi áınek aıaldamalar qaıda jiberiletini áli belgisiz.