Aqtóbedegi mektepte bir oqýshy ekinshisin pyshaqtady
AQTÓBE. QazAqparat - Aqtóbede taǵy bir oqys oqıǵa tirkeldi. Mektep oqýshylary tóbelesip, bireýi pyshaq jaraqatyn aldy, dep habarlaıdy QazAqparat tilshisi.
«Qazan aıynda mekteptegi 8 jáne 9 synyptyń eki oqýshysy arasynda kıkiljiń bolyp, bireýi pyshaqtaldy. Jeńil jaralanǵan oqýshy aýrýhanaǵa jetkizildi. Degenmen eki oqýshynyń ata-anasy shaqyrylyp, túsindirý jumystary júrgizildi. Qazirgi kezde másele sheshilip, eki jaq tatýlasty. Oqýshynyń qolyndaǵy pyshaq sýyq qarýǵa jatpaıdy eken. Quqyq buzýshylyqty boldyrmaý, qylmystyń aldyn alý maqsatynda joǵary synyp oqýshylary jáne ata-analarmen birlese jumys isteımiz», - dedi Muqaǵalı Maqataev atyndaǵy №73 orta mektep dırektorynyń tárbıe isi jónindegi orynbasary Gúlnaz Ahmetova.
Mektep ákimshiliginiń aıtýynsha, 8-synyp oqýshysy ózine qatysty balaǵat aıtty dep syrttaı estip, 9-synyp oqýshysyn shaqyryp alǵan. Bul mekteptegi jaǵdaı ájethana ishinde bolǵan.
«9-synyp oqýshysy qaltasyndaǵy pyshaqty shyǵaryp, jaralaǵan. Oqıǵa ornyna jedel járdem shaqyryldy», - dedi Gúlnaz Ahmetova.
Eske salsaq, oblystyq prokýratýra jastardyń qaltasyndaǵy pyshaq pen beısbol taıaǵy qylmys quralyna aınalǵanyna alańdaýshylyq bildirdi.
Taıaýda Aqtóbede «Altyn belgi» ıegeri mektep túlegin pyshaqtap, óltirgeni úshin 9 jylǵa bas bostandyǵynan aıyrylǵan bolatyn.
