Aqtóbedegi qyzmet kórsetý nysandarǵa kedergisiz jumys isteýge ruqsat berildi

AQTÓBE. QazAqparat - Aqtóbe «jasyl» aımaqta. Karantın shekteýi jeńildep, «kók» mártebesi bar adamdardyń erkin qozǵalysyna ruqsat etildi, dep habarlaıdy QazAqparat tilshisi.

Aqtóbe oblysy bas sanıtar dárigeriniń jańa qaýlysyna sáıkes, «Ashyq» jobasyna qatysatyn obektiler úshin jumys jáne demalys kúnderi ýaqyt boıynsha jumys rejımine shekteýler belgilenbeıdi. Kelýshilerde beıtarap («kók») nemese qaýipsiz («jasyl») mártebe bolǵan jaǵdaıda qyzmettiń barlyq túri úshin shekteýsiz kórsetiledi.

«Ulttyq quramalardyń jumysy jalǵasady. Sportshylardyń jattyǵý jasaýyna ruqsat. Sportshylar men jattyqtyrýshylar vaktsına qabyldasa, PTR test tapsyrsa oblystyq qurama da oqý-jattyǵý ótkize alady. Sanıtarııalyq-epıdemıologııalyq talap saqtalǵan jaǵdaıda kóshedegi saýdaǵa ruqsat beriledi»,- dep jazylǵan qaýlyda. Sonymen birge saýda-oıyn saýyq ortalyqtary, demalys oryndary, túrli qyzmet kórsetý nysandary, dúkender, mádenı nysandar, sporttyq keshender esh kedergisiz jumys isteıdi.
Buǵan deıin habarlaǵanymyzdaı, oqýshylar dástúrli formatta oqýǵa kóshti.