Aqtóbedegi qyzdar tóbelesi: Jaýapty basshy qatań sógis aldy
AQTÓBE. QazAqparat – Aqtóbe oblysy Temir aýdany Keńqııaq aýylyndaǵy tóbelesten soń aýdandyq bilim bóliminiń basshysyna qatań sógis jarııalandy, dep habarlaıdy QazAqparat tilshisi.
«Qeńqııaqtaǵy oqýshy qyzdar tóbelesine qatysty qazir tergeý júrip jatyr. Ata-analarǵa, balalarǵa qandaı shara qoldanylatyny tergeý aıaqtalyp, sot sheshimi shyqqan soń ǵana belgili bolady. Negizi oqıǵa 20 qyrkúıek kúni boldy. Oblystyq bilim basqarmasy 21 qyrkúıekte ǵana bildi. Aqparat kesh jetip tur. Oǵan deıin aýdandyq bilim bólimi, ishki ister bólimi, prokýratýra tarapynan zerdeleý jumysy júrgizilgen. Al úsh dırektor jumystan shyǵý týraly aryz jazyp, ketken. Olardy ornynan bosatý negizsiz bolǵandyqtan qyzmetine qaıta oraldy. Aldaǵy aptada aýdan mektepterindegi tárbıe jumysy qaralady. Tergeý aıaqtalǵan soń qyzmetin tolyq atqara almasa, dırektorlarǵa qatysty sheshim qabyldanady», - deıdi oblystyq bilim basqarmasy basshysynyń orynbasary Nurgúl Bertileýova.
Aıta keteıik, qazirgi kezde Temir aýdandyq bilim bóliminiń basshysyna qatań sógis jarııalandy.
Eske sala keteıik, oqýshy qyzdar tóbelesip, qylmystyq is qozǵaldy. Olar aldymen bir-birimen áleýmettik jelidegi ortaq chat arqyly sózge kelip, keıin kezdesip, tóbelesken.
