Aqtóbedegi qoryqta zańsyz balyq aýlaǵandar arasynda dáriger men tótenshe jaǵdaılar qyzmetkeri de bar
AQTÓBE. QazAqparat – Aqtóbede qazir laýazymdy qyzmetkerlerdiń balyq aýlap, memleket qorǵaýyndaǵy aýmaqqa kirý deregi boıynsha jan-jaqty tergeý bastaldy, dep habarlaıdy QazAqparat tilshisi.
«3 qańtar kúni erekshe qorǵalatyn aımaqqa zańsyz kirgeni úshin 7 adam ustaldy. Olarǵa «Jeke tulǵalardyń erekshe qorǵalatyn tabıǵı aýmaqtardyń jekelegen túrlerinde bolý tártibin buzý» baby boıynsha aıyppul salyndy. Olardyń biri zańsyz balyq aýlaǵany úshin jaýapkershilikke tartyldy. Tintý barysynda muz oıý quraly, qarmaq tárkilendi. Aýmaqqa qalaı kirgenin naqty aıtý qıyn. Temir tormen qorshalmaǵan, ashyq alań. Tek arnaıy belgiler qoıylyp, tyıym salynǵany týraly eskertýler jazylǵan. Jeti adamnyń ekeýi jumyssyz. Arasynda memlekettik qyzmetkerler bar dep otyr. Yrǵyz aýdandyq aýrýhanasynyń, tótenshe jaǵdaılar qyzmetini de mamandary bar. Olardan 9 keliden astam balyq tárkilendi», - dedi oblystyq orman sharýashylyǵy jáne janýarlar dúnıesi aýmaqtyq ınspektsııasy basshysynyń mindetin atqarýshy Ánýar Bermaǵambetov.
Buǵan deıin habarlaǵanymyzdaı, osy derekke qatysty Yrǵyz aýdandyq sýdıasy Baqytjan Erlan men prokýror Aıdos Saǵyndyqov ákimshilik jaýapkershilikke tartyldy.
